Lyktar eins og járnsmiðja

Mikill mökkur liggur yfir borginni og myndi ég helst líka lyktinni við þá er stafar af rafsuðu; Los Angeles lyktar eins og járnsmiðja þessa daganna. Þykkur mökkurinn liggur í loftinu, sjáanlegur með berum augum. Ég hef sjálfur verið hérna í yfir fimm ár en aldrei séð það svo svart, enda man ég ekki eftir eldum svo nálægt Pasadena eins og nú er um að ræða. Pasadena er mjög skemmtilegur bær, veðrið oftast til sóma. Umkvörtunarefnin eru ólík þeim íslensku og ber þá hæst í mínum huga hið endalausa logn er hér ríkir. Það hreyfir hér ekki hár á þunnhærðu höfði. Þetta er stundum kostur, en á þessum síðustu og rafsuðukenndustu dögum færist lognið neðar á vinsældarlistanum.

 Maður verður bara að vona að Paris og Brad búi við gott gengi í þessum miklu hamförum.

Reykjarmökkur yfir Los Angeles

Athugasemdir

[Helen Garðarsdóttir, 17.11.2008 kl. 11:01]

Ja hérna! Það hlaut nú að koma að þessu, miðað við alla þessa skógarelda á hverju einasta ári á svipuðu svæði.....

Veit samt ekki hvort maður vill vind í svona aðstæðum... erfiðara að ráða við eldinn og svona.... dáldið svona catch 22....